laugh4life محاور جديد
عدد المساهمات : 13 نقاط : 33 تاريخ التسجيل : 10/09/2010
| موضوع: لا يأس مع الحياة ولا حياة مع اليأس السبت سبتمبر 18, 2010 9:50 pm | |
| انا كنت وعدتكوا بموضوع عنوانه " نعم للصبر لا للتواكل" ولكن غيرت عنوانه الى لا يأس مع الحياة ولا حياة مع اليأس والموضوع ده بيناقش اهم مشكلة من مشاكل الشباب الا وهى مشكلة البطالة وانا كنت عايزة قبل ما ادخل فى الموضوع اطرح عليكم سؤال
نفتكر ايه هو سبب البطالة هل هو ؟؟؟ 1 الحكومة 2 البيئة اللى عايشين فيها او 3 الشباب انفسهم
هو اكيد طبعا الثلاثة السبب ولكن على درجات متفاوتة وانا من راي اهم سبب من اسباب البطالة هم الشباب انفسهم انا عارفة طبعا ان كتير منكم مش عاجبه الراى ده ولكن دى وجهة نظرى وهقولوا سسببها ايه وان شاء الله هقنعقوا بيها
ودلوقتى هقولكم سبب اختيارى للاجابة التالتة اولا : لان فى انوع كتير من الشباب العاطل 1 شاب لسة متخرج وعايز يشتغل علطول طبعا مش هينفع ليه ؟؟ لانه لسة متخرج مش معاه لغة ولا كمبيوتر ولا اى
كورسات لازم تطور نفسك عشان تلاقى اللى انت عايزه والوظيفة تدور عليك
مش انت اللى تدور عليها
2- شاب قاعد مستنى الوظيفة تيجى له لحد عنده ده طبعا بيحلم !!!! ليه بقة لانه لو استنى عمره كله مش هتجيله حتى لو معاه
تقدير عالى وكورسات ليه لانه لازم ينزل يدور فى كل الشركات وكل البنوك
وقدم ال سى فى بتاعه فى كل شركة او بنك يروحه وفى اكتر من طريقة ممكن
يقدم بيها اما يسلم السى فى باليد وطبعا عنوان اى شركة او بنك موجود على
النت او الطريق التانية الايميل او بالبريد وده على حسب المكان اللى انت هتقدم
فيه بيقبل التقديم ازاى ولازم تتعب مش مرة وخلاص روح كذا مرة ايه المشكلة مش هتخسر حاجة واديك بتسلى نفسك وتخرج تشم هوا
انا هقولكم مثال ياكد كلامى ده فلنفرض ان واحد فتح النت وبحث عن الشركات وجاب كل ايميلات الشركات فليكن مثلا 100 شركة وقدم السى فى بتاعه (وده طبعا قليل جدا بالنسبة
للشركات الموجدة في مصر) هنفرض ان منهم50شركة طالبين ناس مثلا ومن ال
50 شركة 20بس قرأوا السى فى ومن ال20 شركة دول 10عجبهم السى فى
ومن ال10 شركات دول 5 اتصلوا بيه يعمل انترفيو فنجح فى اتنين منهم
و اكيد دلوقتى خلاص اتعين فى واحدة منهم
وطبعا من المثال ده نفهم ان سبب تعينه فى الشركة اولا انه تعب ودور على الشركات وعناونها وصب واكيد قاعد يبعت كذا مرة
لغاية ماردوا عليه ثانيا ان السى فى بتاعه نجحه وده اكيد عشان واخد كورسات وتقديره عالى
كاتب السى فى بطريق صح ثالثا انه عمل انترفيو جامد وده اكيد السبب فى نجاحه وطبعا قوانين الانترفيو
واسئلتها موجودة على النت وكمان اكيد نماذج للسى فى السليم والجيد
وانا ان شاء اله هجبلكم ده فى المنتدى
وارجو ان اكون عرفت اقنعكم بوجهة نظرى لحد هنا اللى مش اقتنع ينتظر باقية الموضوع
وللحديث باقية لنناقش باقى انواع الشباب | |
|
Admin رئيس المحاورين
عدد المساهمات : 42 نقاط : 101 تاريخ التسجيل : 08/09/2010
| موضوع: رد: لا يأس مع الحياة ولا حياة مع اليأس الثلاثاء سبتمبر 21, 2010 5:46 pm | |
| بجد موضوع جامد وفعلا موضوع البطالة ده متوقف بشكل اساسي علي الشباب ويا ريت الناس تقتنع بوجهة النظر بتاعتك دي | |
|