مشروع زراعي من وحي افكاري

ده مشروع يخص الحياة الزراعية في مصر اظن انه هيغير خريطة العالم الزراعية لانه مشروع هنقوم فيه بزراعة اكثر من 20 مليون فدان عارفين يعني ايه 20 مليون فدان يعني نصدر قمح قطن ذرة سكر زهور اي حاجة تتوقعوها
المشروع ده هحققه ان شاء الله بمجرد ما ابقي وزير الزراعة او رئيس للوزراء وده عام 2027 ان شاء الله بسيطة كلها 17 سنة المهم بقي فكرة المشروع وهي سهلة وبسيطة خالص كل اللي هنعمله ان احنا هنوزع فدان علي كل اسرة تتولي زراعته مقابل شراء المحصول بمبلغ مغري والحكومة هتوفر الماء والاسمدة والماكينات يعني عايزين ايدي عاملة وتوزيع الارض هيكون عن طريق حق الانتفاع لمدة 25 سنة مقابل ايجار 100 جنية مثلا سنويا وممنوع بيع الاراضي او البناء عليها الا بنسبة معينة 10 % مثلا للبناء من اجل المعيشة اثناء الزراعة ومش لازم شاب من الاسرة هو اللي يزرع لكن ممكن كل مجموعة من الاسر توكل مجموعة شباب لزراعة الاراضي الخاصة بها وتشترط الحكومة بيع المحصول لها اولا وتضع بندا لا يسمح ببيع الارض او التصرف فيها وتضع بندا يقضي بضرورة زراعة الارض خلال سنة من تاريخ استلامها والا سوف يتم سحب الارض من الاسرة مع تحصيل غرامة 10000 جنيه اذا كان الخطأ من الاسرة اي اذا توفرت الماكينات والماء والاسمدة وبهذا الامر نكون قدرنا نخلي الناس تزرع ويكون المحصول للحكومة والارض ترجع لنا تاني ومفيش حد من الكبار وا الحيتان يشتري الارض ونكون وفرنا اكثر من 200 الف فرصة عمل لمدة 25 سنة والمشروع يتكرر وهو ده الحلم اللي بحلمه وممكن نقسم الاراضي مجموعات كل مجموعة محصول معين قمح وارز وسكر وقطن وغير وغير بس كده دي فكرة حلمي او مشروعي
المشكلة راس المال ممكن عن طريق القروض بالفوائد البسيطة او المنح او الاموال الموجودة في البنوك المصرية اللي مش لاقية حد يستثمرها

فيه حد يشاركني الحلم ده